Almennt

Fjölbýlishúsið að Álalind 18-20 er staðsett í hinu nýja íbúðahverfi Kópavogs sem nefnist Glaðheimar. Byggingin er stölluð, þ.e. 4, 6 og 7 hæðir með 57 íbúðum af fjölbreyttum stærðum og gerðum. Tvö stiga- og lyftuhús eru í byggingunni sem tengd eru saman með svalagöngum sem liggja að smáíbúðum sem staðsettar eru í miðju byggingarinnar. Aðrar íbúðir á austur- og vesturendum byggingarinnar hafa beint aðgengi frá stiga- og lyftuhúsum um þar til gerða brunastúku. Þá hafa íbúðir á jarðhæðum sérinngang ásamt því að tveggja hæða íbúðir hafa aukainngang úr sameignum í kjallara.

Á 1. - 7. hæð eru íbúðir af fjölbreyttum stærðum og gerðum, þ.á.m. svokallaðar smáíbúðir sem eru tveggja og þriggja herbergja. Einnig eru vel skipulagðar þriggja og fjögurra herbergja íbúðir í austur- og vesturendum byggingarinnar.

Í kjallara hússins er sameiginleg bílgeymsla með bílastæðum fyrir 51 bifreið auk tveggja stæða í aflokuðum séreignarbílgeymslum. Að auki eru í kjallara sérgeymslur fyrir hluta íbúða ásamt vagna- og hjólageymslum og sameiginlegum tæknirýmum. Þá eru neðri hæðir þriggja íbúða einnig í þeim hluta kjallarahæðarinnar sem er frágrafinn og vísa út á sérafnotafleti.

Aðalinngangur er staðsettur á 1. hæð. Eingöngu er notast við fyrsta flokks efni bæði innan- sem og utandyra. Léttir innveggir íbúða og sérgeymslna eru hlaðnir.

Byggingaraðili

Byggingarfélagið Bestla ehf er framkvæmdaraðili að Álalind 18-20 í Kópavogi fyrir hönd Glaðsmíði ehf. Starfsmenn Bestlu búa að áratuga reynslu og þekkingu úr byggingariðnaði á Íslandi. Byggingarfélagið Bestla sérhæfir sig í byggingu íbúða ásamt þróunarverkefnum.

Hönnun

Arkitektar og aðalhönnuðir: Tvíhorf arkitektar
Verkfræðihönnun: Víðsjá verkfræðiþjónusta
Raflagnahönnun: Lumex
Lagnahönnun: Víðsjá verkfræðiþjónusta
Landslagshönnun: Landslag ehf

Frágangur utandyra

Burðarvirki hússins er staðsteypt með hefðbundnum hætti og eru útveggir einangraðir að utan og klæddir, þannig er viðhaldi hússins haldið í lágmarki. Klæðningar hússins eru úr áli með þremur mismunandi litum og áferðum.

  • Gluggar / svalahurðir:
  • Gluggar og svalahurðar eru úr timbri og klæddir álkápum að utan í gráum lit RAL 7015. Söluaðili glugga er BYKO. Allt gler er K-gler eða sambærilegt skv. byggingarreglugerð.

  • Svalir:
  • Gólf á svölum íbúða eru staðsteypt og vélslípuð en að öðru leyti ómeðhöndluð.

  • Utanhússklæðning:
  • Byggingin er klædd með þremur mismunandi álklæðningum frá framleiðendunum Arconic Reynolux og Mitsubishi Alpoic sem flutt er inn af Málmtækni ehf:

    1. Slétt álklæðning í litnum Dark Gray Metallic
    2. Báru-álklæðning í litnum Champagne Metallic
    3. Slétt álklæðning, litur: Bronze Metallic

  • Raflagnir:
  • Lýsing er fullfrágengin inn á svölum ásamt einum rafmagnstengli. Öll önnur utanhúss lýsing er fullfrágengin samkvæmt teikningum raflagnahönnuðar.

  • Þak:
  • Þök byggingarinnar eru svokölluð viðsnúin. Ofan á steypta þakplötu eru brædd þrjú lög af asfaltpappa og ofan á er lagður drendúkur undir 220mm rakaþolna plasteinangrun með vatnshalla a.m.k. 25 prómill. Ofan á einangrun er lagður síudúkur undir rúnaða sjávarmöl til förgunar, á 5. hæð eru hellur og möl, á 7. hæð hellur, torf og möl og á 8. hæð er möl.

  • Lóð:
  • Stéttar fyrir framan bygginguna og verandir á sérafnotaflötum íbúða eru hellulagðar eða steyptar skv. teikningum arkitekta. Hitalögn er í helstu gönguleiðum og bílastæðum fyrir hreyfihamlaða. Grasflatir eru þökulagðar. Gróður er í gróðurbeðum skv. teikningum landslagsarkitekts.
    Bílastæði eru sunnan megin við húsið og eru stæði aðskild með hvítum línum. Sérafnotareitir fylgja íbúðum á fyrstu hæð sem verða hellulagðir. Frágangur lóðar er að öðru leiti samkvæmt teikningum landslagsarkitekts (Landslag ehf.).

  • Annar búnaður:
  • Húsnúmer er uppsett á áberandi stað á útveggjum. Í forstofum stigaganga eru póstkassar, einn fyrir hverja íbúð.

Frágangur innandyra

Íbúðum er skilað fullbúnum án gólfefna en gólf eru þunnflotuð að undanskildum forstofum og votrýmum (baðherbergi og þvottahús) sem eru flísalögð. Öllum íbúðum fylgja eftirfarandi innbyggð tæki í eldhúsi frá Ormsson: Span- helluborð og bakarofn frá AEG og gufugleypir/ háfur frá Airforce/Elica.

  • Veggir:
  • Veggir eru staðsteyptir, spartlaðir og málaðir í ljósum lit. Léttir innveggir eru hlaðnir, spartlaðir og málaðir í ljósum lit. Fyrirkomulag innveggja er í samræmi við samþykkta aðaluppdrætti af íbúðarhúsnæðinu. Hluti baðherbergisveggja eru flísalagður og nær flísalögnin alla leið upp í loft.

  • Loft:
  • Lofthæð íbúða er u.þ.b. 2,68 metrar. Loft eru slípuð, spörtluð og máluð í ljósum lit.

  • Hurðir:
  • Innihurðir verða hvítar að lit og yfirfelldar. Hurðarhúnar eru með málmútliti. Inngangshurðir íbúða eru EI30CS eldvarnarhurðar.

  • Eldhús:
  • Innréttingar í eldhúsi eru frá innréttinga- framleiðandanum Voke-3 og eru almennt í ljósum lit með dökku uppbroti. Yfirborð hurða- og skúffuforstykkja eru úr slitsterku harðplasti sem er þægilegt í umgengni og viðhaldi. Vegghengdir efri skápar eru með innfræstri LED-lýsingu undir skápum.
    Borðplötur eru almennt úr 38 mm þykkum HPL (high pressure laminate) með ljósu yfirborði með steináferð í litnum Silk Flow frá framleiðandanum Kronospan. Í stærri íbúðum, sem hafa eldhússeyjur eru borðplötur úr 20 mm kvartssteini í ljósgráum lit.

  • Eldhústæki:
  • Eldhús skilast með vönduðum tækjum frá AEG: span-helluborði og bakarofni með innbyggðum hitamæli. Ýmist er gufugleypir innbyggður í efri skáp af gerðinni Airforce/Elica eða sem lofthengdur eyjuháfur af gerðinni Airforce.
    Sorpflokkunarkerfi fylgir í skúffu undir eldhússvaski.
    Íbúðum er skilað til kaupanda án kæli-/ frystiskáps og uppþvottavélar en gert er ráð fyrir að þessi tæki séu innbyggð og fylgja þess vegna hurðaforstykki í stíl við innréttingar með til uppsetningar.
    Eldhústæki frá Grohe eru hitastýrð og einnar handar. Eldhúsvaskur er af vandaðri gerð úr stáli frá Rhine, límdur ofan á HPL-plastlagðar borðplötur en límdur undir kvartssteins- borðplötur.

  • Baðherbergi:
  • Baðherbergisgólf er flísalagt með Pro Matrix Light flísum í stærðinni 60x60 cm. Hluti baðherbergisveggja er flísalagður upp í loft með flísum sömu gerðar og eru á gólfum en í stærðinni 30x60 cm.
    Baðinnrétting er í dökku viðarútliti með mjúklokun á skúffum. Speglaskápar eru á baðherbergjum með innfræstri lýsingu undir og ofan á skáp. Borðplata er úr Durastone-efni í hvítum lit með samlímdum vaski. Hreinlætistæki eru frá Grohe, hitastýrð einnar handar blöndunartæki. Blöndunartæki í sturtu eru frá Grohe, hitastýrð einnar handar blöndunartæki. Gólf sturtuklefa er með vatnshalla, flísalagt með ílangri niðurfallsrist og sturtugleri. Salernisskál er frá Grohe og er vegghengd með innbyggðum vatnskassa og þrýstihnappi.

  • Svefnherbergi:
  • Fataskápar eru í flestum svefnherbergjum, með dökku viðarútliti og vönduðum höldum. Sumar íbúðir hafa fataherbergi með opnum fatahirslum.

  • Forstofa:
  • Fataskápar eru í forstofu skv. teikningu, með dökku viðarútliti og vönduðum höldum. Gólf forstofu er flísalagt með Pro Matrix Light flísum stærðinni 60x60 cm frá Álfaborg.

  • Þvottahús:
  • Sérstök þvottaaðastaða í sér rými er í sumum íbúðum en í öðrum íbúðum er gert ráð fyrir þvottaaðstöðu inni á baðherbergjum. Tengi er fyrir þvottavél og þurrkara. Gert er ráð fyrir að þurrkari sé með rakaþétti. Gólf er flísalagt með Pro Matrix Light flísum í stærðinni 60x60 cm.

  • Tegundalisti innviða:
  • Flísar: Pro Matrix Light, söluaðili Álfaborg
    Málning: Húsasmiðjan
    Innihurðar: Ringo, söluaðili Birgisson
    Innréttingar og fataskápar: Voke-3
    Blöndunartæki: Grohe, söluaðili BYKO
    Eldhústæki: AEG og Airforce/Elica, söluaðili Ormsson

  • Sérgeymslur:
  • Léttir veggir í geymslum eru hlaðnir og málaðir í ljósum lit. Vélræn loftræsting er í geymslum og geymslugólf eru máluð.

  • Sameign
  • Anddyri eru flísalögð en stigagangar teppalagðir. Póstkassar verða uppsettir í anddyri. Tvær fólksflutningalyftur eru í húsinu, ein í hvoru stiga-/lyftuhúsi og eru þær báðar sjúkraflutningalyftur skv. byggingarreglugerð.
    Lyftur eru vandaðar af gerðinni Kone. Gólf í tæknirýmum eru vélslípuð og máluð.

  • Sorp og sorpflokkun:
  • Sorpflokkun íbúa er í þar til gerðum djúpgámum sem staðsettir eru við norðurhlið byggingarinnar.

  • Bílageymsla:
  • Samtals eru 51 sérmerkt bílastæði í bílageymslu auk tveggja bílskúra. Bílageymsla er með vatnsúðakerfi og vélrænni loftræstingu.
    Hægt er með einföldum hætti að setja upp rafhleðslustöðvar við hvert stæði ef íbúar kjósa að gera svo. Gólf bílageymslu er vélslípað. Bílageymsla er upphituð en með hitastigi undir 10°C (frostfrí).

  • Raflagnir:
  • Allt lagnaefni er hvítt að lit. Skildulýsing er uppsett, þ.e. í eldhúsi, baðherbergi og þvottahúsi (skylduljós samkvæmt byggingarreglugerð).

  • Hita- og loftræstikerfi:
  • Gluggalaus rými baðherbergja og þvottahúsa eru með vélrænni loftræstingu. Þvottarými minni íbúða er með vélrænni loftræstingu sem er stjórnað með rakaskynjara.

Til áréttingar

Vísað er til hönnunargagna (m.a. aðaluppdrátta) varðandi nákvæmar útfærslur á atriðum sem ekki koma fram í skilalýsingunni.
Auglýsingaefni og þrívíðar teikningar eru eingöngu til hliðsjónar, komi upp misræmi eru samþykktar teikningar hönnuða gildandi. Lita- og húsgagnaval sem fram kemur í þrívíðum myndum er eingöngu leiðbeinandi. Íbúðum er skilað hvítmáluðum, án gólfefna og án lausra húsgagna.

Seljandi áskilur sér allan rétt til að gera efnis-, útlits- og tæknilegar breytingar meðan á byggingarframkvæmdum stendur.

Kaupandi gæti þurft að hreinsa sigti á blöndunartækjum nokkrum sinnum og fylgjast með niðurföllum í þvottahúsi, baðherbergjum, bílageymslu og úti á svölum.

Í steyptum nýbyggingum er mikill byggingarraki sem mun hverfa á einu til tveimur árum. Nauðsynlegt er að útloftun í íbúðum sé góð og mikilvægt er að fylgjast með vatnsmyndun (dögg) innan á gluggagleri. Til að forða að vatn safnist saman neðst á glerinu er mikilvægt að hafa glugga lítillega opna til að tryggja útloftun, sérstaklega þegar tekur að kólna í veðri. Ef þetta er ekki gert er hætta á að vatnið valdi skemmdum á gluggum, gólfefnum og málningu.

Seljandi ber ekki ábyrgð á eðlilegri og venjulegri sprungumyndun í múr, steypu, gifsi og timbri. Gera má ráð fyrir því að kaupandi þurfi að endurmála íbúð eftir nokkurn tíma þegar byggingin, þ.e. það byggingarefni sem í henni er, hefur náð stöðugu ástandi.

Allar breytingar á íbúðinni sjálfri og einstaka hlutum hennar að ósk kaupanda geta haft áhrif á afhendingartíma og leitt til kostnaðarauka en aldrei til lækkunar.

Íbúðir afhendast hreinar. Seljandi mun ásamt íbúðarkaupanda yfirfara íbúð við afhendingu. Ef gallar eða vanefndir koma í ljós við afhendingu skal seljandi lagfæra galla eins fljótt og auðið er.

Kaupandi greiðir skipulagsgjald þegar endanlegt brunabótamat er komið á eignina.


Skilalýsing á prentformi

Söluaðilar